Жас кезімде өзім ушін жазып жүрдім. Ақындар айтысына алғаш рет 1986 жылы шықтым. Сол жылы ауданымызда жаппай айтыстар өтіп, айтыстардың біріне әкем Карбоз өз мекемесінің атынан шығуы керек болды. Әкем жолын маған беріп, әкемнің атынан сол айтысқа қатысып, айтыскер атандым. 1987 жылдан Қостанай, Торғай облыстық, 1990 жылдан республикалық айтыстарға қатыстым. Осы кезге дейін 60-70 айтыстарға қатысып, халқымның жырын жырлағанымды басымдағы бағым деп бағалап келемін.

         Отбасымда отағасы Болат, екі қызым - Айгүлім мен Аяулым бар. Қостанай қаласын мекен етіп түрып жатырмыз.