Н. Островский ат. ОҚК кітапханашылары іс-шара барысында 1 наурыз Қазақстан халқына Алғыс айту күні мерекесінің тарихына кеңірек тоқталды.  Кітапхана жанындағы «Тұмар» өнерлі жастар үйірмесінің ұйымдастыруымен қазақтың нағыз жанашыры  Герольд  Бельгердің «Адасқандар үйі» романының желісімен «Жақсылық еккен алғыс» атты қойылым қойылды. Қаламыздың оқу орындары оқушылары мен студенттерінің құрамынан құрылған «Толқын» шығармашылық студиясының жас қаламгерлері Есенгелді Ерназар, Жауынбай Азат, Ерболат Лашын, Дүйсенбаева Гүлсезім тақырыпқа сай жүректен жүрекке жететін авторлық өлеңдерін оқыды.  Кітапханашылар «Қазақстан – ортақ үйіміз» атты кітап көрмесіне шолу жасап, әдеби тілдің күші арқылы әртүрлі ұлт өкілдерінің достығы елде бейбітшілік пен келісімді сақтауға ынталандырады деген пікір білдірді. Әсем әндер шырқалып, би биленіп, жыр жолдары оқылған іс-шарадан жиналған қауым керемет әсерде тарқасты