Н. Островский атындағы Қостанай қалалық кітапхана қызметкерлі әлем әдебиетін, көркем әдебиетті сондай-ақ кітапхана жанынан құрылған «Толқын» шығармашылық студиясымен «Тұмар» өнерлі жастар клубы атты ұйымдарға  жастарды тарту мақсатында А. Байтұрсынов атындағы Қостанай мемлекеттік университетінің, Қостанай мемлекеттік  педагогикалық университетінің, Қостанай гуманитарлық колледжінің 1 курс студенттерімен библиобус арқылы  «Рухани жаңғыру: ұлт келбеті – жастарға бағыт» атты кездесу ұйымдастырды.

         Бұл кездесуге «Толқын» студиясының жетекшісі Мешіт Ғазизұлы да қатысып, әдеби ұйымның мақсаты жайлы терең ашып айтып жеткізді. Сондай-ақ барысында студияның шығармашыл жастары  айтулы әдеби ұйыммен өнерлі клубқа мүше болғалы алған  әсерлерімен бөлісіп, тырнақалды туындыларын да тарту етті.

         Кездесу соңында тілге шешен, өз беттерімен шығарма жазуға, өлең шығаруға икемдері бар, сондай-ақ өнерлі жастар «Толқын» шығармашылық студиясы мен «Тұмар» өнерлі жастар клубының қатарын көбейтуге ынталарын білдірді. 

         Еліміздің жырын жырлап, Қазақ елін рухтандырар талантты жастардың санын көбейту үшін жасалынып жатқан жұмыстар нәтижесін беріп жатқаны кітапханашыларды қуантады