Жыл табысы

«Жыл табысы – 2016» іскерлік ойнына Қостанай қаласының кітапханалар қызметкерлері белсенді қатысты. Кітапханалардың негізгі мақсаты – өнімдер мен қызметтерді жаңарту, заманауи имиджді, қызмет көрсету сапасын, басқа кітапханалар арасындағы бәсекеге қабілеттілікті арттыру. Ойын барысында кітапханашылар жан-жақты білімді, тапқырлықты, табандылықты қажет ететін жаңашыл іс-әрекеттерін көрсетті.

А.С. Пушкин ат. балалар кітапханасы кітапхана сайтын көрсетті. «Станционный» КФ қызметкерлері Қостанай облысының 80 жылдық мерейтойына арналған «Қостанай кеңістігінің ПИКтері» атты жобасы туралы айтты. "Южный" КФ кітапханашысы «Инновациялар» шығармашылық зертханасымен бөлісті.

Жасыратыны жоқ, кітапханалар өздерінің ерекшеліктеріне байланысты – ашықтығы, қолжетімділігі және ақысыз – халықтың бос уақытын ұйымдастыру, өз үй-жайларын әртүрлі клубтар мен мүдделі бірлестіктерге ашу функцияларын алған. Оқырмандардың шығармашылық әуесқойлық бірлестіктері: клубтар, үйірмелер, студиялар кітапхана жұмысының тәжірибесіне енді. Олардың танымалдылығы мен өміршеңдігі қандай да бір арнайы тақырыппен немесе супер тапсырмамен емес, негізінен олардағы атмосферамен анықталады.

Кітапханалардың тәжірибесінде алғаш рет «Северный» КФ басшысы Тасмағанбетова Р. М. «Кітапхана – шығармашылық аумағы, мейірім аурасы» атты үш клубтың жұмысына арналған кітабын таныстырды. 

«Дорожный» КФ кітапханашысы Мариям Хакімжанованың шығармашылығына арналған «Бар қазаққа ана еді...» деректі фильмін ұсынды.

«Киевский» КФ аға кітапханашысы «Кот Василий» поэмасына дайындаған мультфильмін көрсетті.

«Кітапханаға досыңды әкел» акциясы аясында «Западный» КФ қызметкерлері «Сөйлейтін ағашты» жасады, ол да ойын барысында көрсетілді. Ал «Қонай» КФ кітапханашысы «Буккросинг» ойынын ұсынды.

"Узкоколейный" КФ басшысы танымал ақынның шығармашылығына арналған «Жарқын жұлдыздай жандым...» кітабының бейне премьерасын көрсетті. 

Кітапханашылардың   еңбектерін қазылар алқасының мүшелері: Қостанай облысы әкімдігінің мәдениет басқармасының мәдениет ұйымдарымен жұмыс бөлімінің басшысы Шевко Ирина Викторовна; Шакарова Дина Маратқызы, Л. Н. Толстой атындағы ОӘҒК жетекшісі; «Кітапхана ісінің ардагері» Рудковская Татьяна Леонидовна бағалады.

Ойын қорытындысы бойынша орталық қалалық кітапхана қызметкерлері  «Интеллектуалдық  оқу» Web-квест өнертабысы үшін 1 орынға ие болды. Кітапхана кеңістігіне электронды ойын – «Менің Қазақстаным» тапқырлар сайысын енгізген «Дружба» КФ кітапханашысы 2 орынды иеленді.

«Строительный» КФ қызметкерлері кітапхана туралы жасалған бейне жарнама үшін 3 орынды иеленді.