Мемлекеттік тілді латын әліпбиіне көшірудің арнайы жобасын жүзеге асыру мақсатында «Дружба» бірлескен кәсіпорнының кітапханасында «Жаңа әліпби – жаңа шындық» атты ауызша журнал өткізілді. Кітапханашы Елбасының «Болашаққа бағдар: қоғамдық сананы жаңғырту» бағдарламалық мақаласының негізгі міндеттерін ашып берді. Қазақ әліпбиінің тарихы, араб графикасы, кириллицаның қолданылуы туралы айтып берді. Сондай-ақ, Тіл институтының зерттеулері, әріптер мен диграфтардың жазуы қалай таңдалғаны, қандай іріктеу критерийлері бойынша таңдалғаны туралы айтылады. Қазақ әліпбиін реформалау, оны латын әліпбиіне көшіру туралы толығырақ ақпарат берілді. Латын әліпбиін енгізудің артықшылықтары  беріліп, одан кейін сауалнама жүргізілді.